فاطمة،
مانعرفكش، ماقريتلكش، و عمري ما زرت بلوڨك القديم، نراك على فايسبوك و لاعمرنا حكينا مبعضنا، بكيت كي تشديت، و مرضت كي طولت الحكاية، و كيف الناس لكل إ لي حسّوك شاركت في حملة فري فاطمة و لكلنا فاطمة!
عندي برشا نحاول باش نحل بلوڨ، عندي بآآارشة نحب نكتب إلي نخمم فيه، و عندهم برشة يقولولي اعمل بلوڨ يهديك، اما مانجمت نقرر كان بعد ما ريتك رجعت، بعد ما قريت "الصديق الشبهة"، بعد ماضربت ربع ساعة نغزر للإكرون والارتيكل متاعك، الپوست متاعك كان وقعو شديد وتاثيرو كبير كبير عليّا وحسيت إنو احسن طريقة باش نقلك براڢو ونشكرك على كونك فاطمة هي إني نظم صوتي ليك و لكل المدونين التوانسة، باش ناكد إنو حرية التعبير حق لا جدال فيه و إنو موش مالمعقول يوصل التدخل في شؤون الناس هذا الحد، و حتى إذا لم نتناول نفس المواضيع،حتى وإن اختلفنا، هذا ما يبدل حتى شيء في كون حرية التعبير حق مقدس و حد ماهو باش يعمل علينا مزية باش يخلينا نعبرو والناس الواعية ماتستناش باش يمدولها حقوقها، تمارسها ماغير ما تشاور...
هكّا قررت و ما وصلت نفذت كان كيف قريت إلي عمار صنصرك... و الناس لكل تتسائل علاش صنصرك وانتي كاتبة بوست واحد، وكان جا حتى فهمو، صنصرك خاطر البوست متاعك باش يعمل ناس كيفي، و يخلّيى الستيلو الي موش مسرّح يتسرّح، وإلي ماكانش يحس إنو لازم يتكلم يتكلم، وإلي موش قاعد يشوف علاش لازمو يتكلم يشوف، خاطر حد ما يقبل الناس تتمس خاطر فكرة و خاطر بوست وناس تتصنصرخاطر كتبت ...هكّا قررت آنا زادة باش نكتب، و باش يكون اول بوست ليك إنتي يا فاطمة نشكرك فيه خاطر سرحتلي الكلاڢيي متاعي خاطرو كان باش يتسرح موش باش ياقف...
مانعرفكش، ماقريتلكش، و عمري ما زرت بلوڨك القديم، نراك على فايسبوك و لاعمرنا حكينا مبعضنا، بكيت كي تشديت، و مرضت كي طولت الحكاية، و كيف الناس لكل إ لي حسّوك شاركت في حملة فري فاطمة و لكلنا فاطمة!
عندي برشا نحاول باش نحل بلوڨ، عندي بآآارشة نحب نكتب إلي نخمم فيه، و عندهم برشة يقولولي اعمل بلوڨ يهديك، اما مانجمت نقرر كان بعد ما ريتك رجعت، بعد ما قريت "الصديق الشبهة"، بعد ماضربت ربع ساعة نغزر للإكرون والارتيكل متاعك، الپوست متاعك كان وقعو شديد وتاثيرو كبير كبير عليّا وحسيت إنو احسن طريقة باش نقلك براڢو ونشكرك على كونك فاطمة هي إني نظم صوتي ليك و لكل المدونين التوانسة، باش ناكد إنو حرية التعبير حق لا جدال فيه و إنو موش مالمعقول يوصل التدخل في شؤون الناس هذا الحد، و حتى إذا لم نتناول نفس المواضيع،حتى وإن اختلفنا، هذا ما يبدل حتى شيء في كون حرية التعبير حق مقدس و حد ماهو باش يعمل علينا مزية باش يخلينا نعبرو والناس الواعية ماتستناش باش يمدولها حقوقها، تمارسها ماغير ما تشاور...
هكّا قررت و ما وصلت نفذت كان كيف قريت إلي عمار صنصرك... و الناس لكل تتسائل علاش صنصرك وانتي كاتبة بوست واحد، وكان جا حتى فهمو، صنصرك خاطر البوست متاعك باش يعمل ناس كيفي، و يخلّيى الستيلو الي موش مسرّح يتسرّح، وإلي ماكانش يحس إنو لازم يتكلم يتكلم، وإلي موش قاعد يشوف علاش لازمو يتكلم يشوف، خاطر حد ما يقبل الناس تتمس خاطر فكرة و خاطر بوست وناس تتصنصرخاطر كتبت ...هكّا قررت آنا زادة باش نكتب، و باش يكون اول بوست ليك إنتي يا فاطمة نشكرك فيه خاطر سرحتلي الكلاڢيي متاعي خاطرو كان باش يتسرح موش باش ياقف...
على خاطر امثال عمار ما يطولوش بحكم فشل الطرق متاعهم، و على خاطر تونس بلاد إلي يستحقها، و على خاطر مانحبش المتذمرين الي يبداو يتفرجو و مايعملو شيء، وعلى خاطر مانحبش شكون يتشكى و يتبكى و مكتف يديه، وعلى خاطر هاذي بلادي و نقول فيها إلي نحب وحد ماهو عامل عليّة مزية... باش نكتب...
باي ذو واي نشكر صديق مدون "يعرف روحو" على تواجدو في اللحظة هاذي معايا...
باي ذو واي نشكر صديق مدون "يعرف روحو" على تواجدو في اللحظة هاذي معايا...
Articles
