ثقافة الكلوف حتى مع المقرونة!

هبط في الحومة مع صديق باش نشريو رطل مقرونة نطيبوه، عادا العطار هذا خويا يعيطلو "اليهودي" خاطر اخيب سبة عندو حاشاكم خاطرو يمدلك ساشي بخمسين وساعات يتلفك في الباقي، العطار هذا حج عندو عامين ولا تلاثه ومن وقتها و هو حاط القرآن صباح و ليل و لابس جبة بيضة ومحرمة بيضة فوق راسو، اكهو عادا احنا نشريو و هو دار قلي:" سمعت سمعت مع شكون لازمك تاكل؟" (في القرآن إلي حاطو درا شنوة قالو) قتلو:"مازالت هاذي?? ماو الناس لكل كيف كيف، في الماكلة زادو فما مشكل؟" قلي:" إي انتي مرا ماتاكلش مع إلي يجي" وبهمت، قتلو "تي كل واحد امورو شنوة طوة؟"
شرينا مقرونة ومشينا...